't Kin aal in t Grunnegs'
Thuus » Blog » Ik mok gain vauten

Ik mok gain vauten

Gepubliceerd op 2 november 2016 16:09

n Tekstredakteur mot zoakelk noar schrievers heur waark kieken en zoch nait (te veul) aargern aan fouten dij ze moaken. As lezer kin k mie nait zo goud bedappern ...

'Wilst mie kovvie moaken?'
'Kin dat in dizze beker?'
'Dou mor in n mok.'
'Dizzent?'
'Dij nait! Dij mag k nait lieden.'

't Is toch mor n kovviemok?'

'Kiek es wat derop staait.'

'Is dat nait goud?'

'Nee!'

Bie n supermaarkt, ik main C1000, was n moal n spoar-aksie mit Grunneger senseomokken. Ik heb ain zo'n mok, en loat dat nou net de verkeerde wezen. Der staait n ploatje op van boerenkool, mit as Grunneger noam: maus. Wat, mAUs?! Mit A-U?! Welke kounavvel het dat bedocht? As je de Grunneger onder d'aandacht brengen willen, mag je toch op zien minst even n woordenbouk derbie pakken. Of aine vroagen dij der verstand van het. t Is traauwens mous, mit O-U.

t Kin wel es lasteg wezen as je tekstredakteur binnen, mor woar k mie dik aan aargern kin, binnen domme toalvauten (want ik moak ze ja nait …).


«   »

Reactie plaatsen

Reacties

Er zijn geen reacties geplaatst.