't Kin aal in t Grunnegs'
Thuus » Blog » Toezeboudel

Toezeboudel

Gepubliceerd op 8 april 2015 19:12

Toezeboudel is t oldste streektoalpergram in Grunnen, t is al sunt 1988 wekelks te heuren op Radio Komnij. Elke zundagmörgen tussen 10.00 en 11.00 uur is der n live uutzenden mit meziek, vertelsters en proaterij. Steevast kommen gasten uut de Grunneger toal bie Gerard Lunshof in d'uutzenden, om te proaten, te zingen of veur te lezen oet aigen waark.

 

Gerard wol mie ook geern n moal in zien pergram hebben. Hai haar op de Dag van de Grunneger toal mit mie proaten wild, mor schaande genog hevve nander doar nait trovven. Doarom is e bie mie thuus kommen veur n interview.

 

Hai het mie vroagen steld over mien bepaarken (woar k aiglieks nait veul over zeggen wol, omreden dat dat der nait tou dut), over Kreuze en over mien aigen webstee. In d'uutzenden van aankom 12 april is t te heuren. Dat is den veur t eerst da'k op radio te heuren bin, ik benijd hou dat over komt.

 

Toezeboudel wordt op t heden ook uutzonden bie:

Havenstad FM op zoaterdag tussen 09.00 en 10.00 uur, http://www.havenstad.fm/

Omroep Menterwolde op woensdag tussen 10.00 en 11.00 uur http://www.omroep-menterwolde.nl/

Radio Parkstad op zoaterdag tussen 12.00 en 13.00 uur http://www.rtv-parkstad.nl/

En vanzulf op Radio Komnij, op zundag live tussen 10.00 uur en 11.00 uur http://www.radiocompagnie.nl/

 

Toezeboudel het ook n aigen webstee: http://www.toezeboudel.info/

 

(Spèllen biewaarkt op 25 meert 2018)


«   »

Reactie plaatsen

Reacties

Er zijn geen reacties geplaatst.