't Kin aal in t Grunnegs'

Grunnen trovven deur dikste eerdbeven sunt 2012

Gepubliceerd op 8 januari 2018 17:00

Der is gain stee woar je t nijste nijs in t Grunnegers lezen kinnen. Ik kin joe der ook nait doagelks van veurzain, doar is mien waarktempo nait mans genog veur. k Zel joe wel n veurbeeld geven van Grunnegstoaleg nijs. Schaande genog is t gain mooi bericht ...

In de pervinzie Grunnen het moandagnommerdag n eerdbeven met n kracht van 3,4 op de schoale van Richter west. t Episentrom lag bie Riep, in de gemainte Loppersom. De beven wuir rond 15.00 uur vuild. Uut metens van t KNMI bliekt dat de beven op drij kilometer daipte gebeurd is. De beven is op meerdere steeën in de pervinzie vuild. Der kommen o.m. meldens uut Stad. t Is nog nait bekend of der schoade ontstoan is.

 

n Eerdbeven mit n kracht van 3,4 is uutzunderlek hoog veur de pervinzie. In 2012 wuir in Hoezen de zwoarste beven tot zowied meten. Dij haar n kracht van 3,6 en haar honderden schoademeldens tot gevolg.

 

'De telefoon staait glìnrood,' meldt t Centrum Veilig Wonen (CVW), woar Grunnegers heur schoade melden kinnen. Der is nog gain zicht op houveul schoade der persies is. t CVW blift twij uur langer berekboar, tot moandagoavend 20.00 uur berekboar. Ook kinnen lu n melden doun in t gemaintehuus van Loppersom. om melding te doen.

 

In 2017 binnen in Grunnen achttien eerdbevens west mit n kracht van 1,5 of hoger. Dat binnen meer as in 2016, toun waren der dattien. De dikste beven van vleden joar was op 27 maai in Slochter en haar n kracht van 2,6.

 

Wèlle:

http://www.nu.nl/


«   »

Reactie plaatsen

Reacties

Er zijn geen reacties geplaatst.