't Kin aal in t Grunnegs'
Thuus » Blog » Net nait as Jezus

Net nait as Jezus

Gepubliceerd op 6 februari 2018 19:51

Veur devote volgelingen van The Beatles is der n digitoal Bouk der Bouken, dij hail toupazelk 'The Beatles Bible' hait. Doar vin je t haile verhoal van de band dij volgens zeggen 'not quite as popular as Jesus' was. Dizze biebel vertelt joe bieveurbeeld meer over t totstandkommen van heur nummers. Zo as 'I Feel Fine', woarmit zai d'aldereerste nummer 1-hit ooit haren in de Nederlandse Top 40.

I Feel Fine

 

Schreven deur: Lennon-McCartney
Opnomen: 18 Oktober 1964
Producer: George Martin
Technicus: Norman Smith

 

Uutbrocht: 27 November 1964 (UK), 23 November 1964 (US)

 

John Lennon: zang, gitoar
Paul McCartney: zang, bas
George Harrison: zang, gitoar
Ringo Starr: drums

 

Beschikboar op:
Past Masters
1

Anthology 2
Live At The BBC
On Air - Live At The BBC Volume 2

 

The Beatles heur achtste single, 'I Feel Fine' wuir opnomen tiedens de sessies veur t 'Beatles For Sale' album, alhouwel dat t n aigenstandege uutgoave was.

 

"George en ik speulen soam t zulfde stuk op gitoar - dat is t dail dat joe mit de vouten tikken dut, zo as de recensies zeggen. k Leuf dat t n beetje n country-and-western-gevuil het, mor dat hebben veul van ons nummers. De middelste aacht is wat mie aangaait t mainst melodieuze onderdail, omreden dat t n typisch Beatles-stuk is."

John Lennon, 1964
'Anthology'

 

'I Feel Fine' was n riff-gedreven, blues-geboaseerd nummer. t Was schreven deur John Lennon, meugelk tiedens d'opnoamesessie veur 'Eight Days A Week' van 6 oktober 1964.

 

"De gitoarriff was faitelk beïnvloud deur n ploade genoamd 'Watch Your Step' van Bobby Parker. Mor aal riffs in dat tempo hebben n gelieksoorteg geluud. John speulde t en t ainegste dat ik dee, was t ook speulen, en t wuir t dubbelsporeg geluud."

George Harrison, 1964

'Anthology'

 

The Beatles haren eerst 'Eight Days A Week' as heur volgende single bedould, mor t plan wuir op de plaanke legd zodroa ze 'I Feel Fine' toumoakt haren.

 

“t Laid zulf was meer John zienent as mienent. Wie gingen zitten en schreven t soam, mit John zien originele idee. John zong t, ik dee de harmonieën en t drummen is aiglieks wat wie 'What'd I Say'-drummen vonden. Der was n stiel van drummen op 'What'd I Say' wat n soort van Latin R&B is, dat Ray Charles zien drummer Milt Turner speulde op d'originele ploade en wie huilen dervan. Ain van de grode bepoalende faktoren van Ringo as de drummer in de band was dat hai dat echt zo goud speulen kon.”

Paul McCartney
'Many Years From Now', Barry Miles



The Beatles namen 'I Feel Fine' ook op veur BBC Radio. t Optreden wuir registreerd in t Playhouse Theatre in London, op 17 november 1964. t wuir veur t eerst uutzonden in t Top Gear pergram op 26 november en vernijs op 26 dezember in Saturday Club. Uutendelk wuir t in 1994 uutbrocht op 'Live At The BBC'.

'I Feel Fine' was onderdail van The Beatles heur live-repertoire van 1964 tot 1966. t Was ain van de nummers dij uutvoerd wuir op heur leste toerdag, op 29 augustus 1966, in t Candlestick Park in San Francisco.



 


«   »

Reactie plaatsen

Reacties

Er zijn geen reacties geplaatst.