't Kin aal in t Grunnegs'

Woudagemoal in dik 18.500 stukkies LEGO®

Gepubliceerd op 2 april 2018 19:41

Tiedens de draaidoagen van t ir. D.F. Woudagemoal in Lemmer wordt op 11 april n schoalmedel van t gemoal in LEGO® onthuld. t Kostde baauwer André Scholte, vrijwilliger bie t LEGiO-museum in Grodegast, dik 3,5 moand om dizze versie van t historische gebaauw noa te baauwen, mor t rezeltoat mag der wezen. De draaidoagen van t ir. D.F. Woudagemaal binnen op 10, 11 en 12 april.

 

Op stoom
Dik 18.500 LEGO® staintjes en 16 lampies vörmen de boases veur t schoalmedel van t gemoal. Ook t binnenwaark is doarbie nait vergeten en is deur t dails open dak goud zichtboar. Doarnoast ploatste André Scholte 2 motoren en n mini-smookmesien om t gemoal ook eerlieks ‘aanzetten' te kinnen, mit n drok op de knobbe. t Woudagemoal baauwde André in zien aigen woonkoamer en is zien grootste baauwwerk tot zowied.

 

Vaste stee in t LEGiO-museum
t
Woudagemaal in LEGO® staait tot dezember in de mesienehal van t Woudagemoal. Doarnua verhuust t definitief noar t LEGiO-museum in Grodegast. t Krigt doar n stee in de vaste kolleksie, noast o.a. t Eise Eisinga Planetarium en de Brandaris. t Museum zit in t olle heufdketoor van LEGO® Nederland en trekt joarleks dik 20.000 bezuikers.

 

Waarklu oplaaiden

Waarklu oplaaiden
Wetterskip Fryslân
brengt t Woudagemoal gemoal joarleks twij moal onder stoom om de bedainende waarklu in de praktiek op te laaiden en om t waarkend te holden. t Ir. D.F. Woudagemoal in Lemmer is t grootste en t ainegste nog waarkende stoomgemoal ter wereld. t Gemoal uut 1920 staait van t joar 20 joar op d'UNESCO-wereldaarfgoudlieste. Bie veul neerslag zet t woaterschop t incidenteel nog aal in om overtolleg woater noar t Iesselmeer te pompen.

 

Wèlle:

Kijk op het noorden


 


«   »

Reactie plaatsen

Reacties

Er zijn geen reacties geplaatst.