t Kin aal in t Grunnegers

Kreuze is t digitoale tiedschrift veur elkenaine dij in de Grunneger toal schrift. t huft nait op literair nivo, oardeghaid aan t schrieven staait bie Kreuze altied veurop. 

 

As laifhebbers van de Grunneger toal in aal zien vörms, binnen Jan Blaauw en Henk de Weerd in 2006 mit Kreuze begund. Zo wollen ze biedroagen aan t leventeg holden van ons streektoal. In 2011, noa datteg Kreuzes, het Jan t redakteurschop aan mie wiederlangd.

 

In Kreuze is benoam stee veur de begunnende, hobby- en amateurschriever. Elkenaine mag schrieverij insturen, t dut niks wat of t is: verhoalen, gedichten, aanpriezens, resepten, strips, columns, enz. As t mor in t Grunnegers is.

 

Schrief je in t Oldambtsters, Westerketiers, Veenkolonioals? Hogelandsters, Westerwolds of Stadjeders? Veur al variaanten is stee in Kreuze. Kiek veur schiere Grunneger woorden en heur goie spèllen in Siemon Reker zien buutswoordenboukje. Doar binnen ook de spèllensregels te vinden.

 

Kreuze is n twijmoandelks blad, t verschient rond t begun van d'oneven moanden. De nijste uutgoave staait altied te lezen op www.kreuzekeuze.nl. Doar kin j’ook aal oldere Kreuzes downloaden, om te bewoaren of om òf te drokken.

 

Neem n abonnemìnt op Kreuze, t kost joe niks! Stuur mie n berichie op bert@kreuzekeuze.nl.

Moi 2017, uutgoave t.g.v. Dag van de Grunneger toal

Dagblad van het Noorden, 10 maai 2016