As tekstredakteur mout je zulf ook schrieven kinnen. k Dou wel es biedroagen aan Kreuze, woar k mien redaksiewaark veur dou. k Bin onregelmoateg columnist veur Webloug, n webstee mit nijs en infermoatsie over Grunnegstoalege aktiviteiten. Zai t overzicht van mien columns en nijsberichten over mie op Webloug. Lees ook t waark van aander columnisten op Webloug. Wikipedie is de Nedersaksische variaant van de vrije encyclopedie Wikipedia, doar schrief k biedroagen veur. Zai t overzicht van aal Grunneger wiki's (woaronder mienent) in de kategorie Grunnegs artikel. Dizze blog geft n overzicht van aal wiki's dij k tot zowied schreven en bewaarkt heb.
Gedichten
t Schrieven van gedichten gaait mie nog nait slim goud òf. De mainsten binnen verschenen in Kreuze. Mien nijste gedicht kin je hieronder lezen. Oldere gedichten heb k bie nander gadderd in n boukwaarkje dat hier ook in te kieken is.
Doodgoan
Doodgoan dou'k wel n aander moal
Ik kin t nou nait wachten
Der is nog veul te doun
Doodgoan kin wel n aander moal
Ik bin nog nait zowied
t Is nou de tied van leven
Dus doodgoan mot mor n aander moal
Ik kin t nog laang nait wachten
Interviews
Onder de nuimer 'Droadproat' heb ik veur Kreuze n riege interviews doan, mainst via Facebook.