Bert Wijnholds is tekstredakteur en blogger in de Grunneger toal. En maint dat e nog wel n eerliekse schriever worden kin …

k Bin tekstredakteur van t digitoale Grunneger tiedschrift Kreuze. In dat affeer konterleer ik t waark van schrievers en verbeter t zoneudeg op spèllen, grammoatiek en leesboarhaid. Dat het mie dertou aanzet om zulf ook meer in mien streektoal schrieven te goan.

Mien schrieverij bestaait t mainst uut blogs en SKV’s (Slim Körte Verhoaltjes), mor t kinnen ook wel columns, (vertoalde) laidteksten of Wikipedie-artikels wezen. Smangs is schrieverij van mie in Kreuze te lezen.

Streektoalen lainen zoch ook veur aander vörms van schrieverij as biev. verhoalen, gedichten en laidteksten. Onder t credo ‘t kin aal in t Grunnegs’ pebaaier k ook vörms van schrieverij te zuiken dij nog nait deur Grunnegstoalege schrievers bruukt binnen.

Bert Wijnholds