Noa n prachteg muzikoal eerbetoon aan Henk Scholte, veurege moand in Geert Teis, wil ik geern nog n deuntje veur Henk biedroagen. Dij oavend op Knoal was t Oost-Vraize Otto Groote Ensemble derbie. Henk zien goie vrund Otto vertelde, dat hai zunder Henk as aanjoager, meugelk nooit n professioneel muzikant worden was. t Ensemble brocht ain van Henk zien favoriete nummers te heuren: Heven Is För De Engels. Over dit nummer schreef Otto...
Gewoonlek vin ik Knoal net even te wied van Stad òf om n oavend noar t theoater te goan. Mor in dit geval mos n uutzundern moakt worden: n eerbetoon aan Henk Scholte, d’ons veul te vroug ontvalen ‘godfather van de streekkultuur’. Elkenaine dij wat dut in de Grunneger toal, kultuur en meziek mos doar toch wel bie wezen, dus k heb ook de raaize noar Geert Teis moakt. Op 22 feberwoarie is...
Van hou stoefbie kin je theoater beleven? Onder de nuimer Klein vanBeresteyn worden bie t theoater in Veendam enkele biezundere veurstellens geven, dij joe t ervoaren loaten. De noam geft al aan dat t gaait om veurstellens veur klaain pebliek, der kinnen maximoal 50 personen bie wezen. Dij zitten op t podium, stoefbie d’artiest. Lesten vrijdag gaf Erwin de Vries zo’n klaainschoalege veurstellen. Hai speulde solo en veuraal minder bekend waark. In de...
TikTok Tammo gaait weer de theoaters in, mit zien nije veurstellen Tammo Zingt Folk. Vleden weke waren de try-outs doarvan bie VanBeresteyn in Veendam. Tiedens de veurstellen gaait Tammo aan de raaize noar Ierland, woar zoch weer n hilarisch verhoal òfspeult, zo as allenneg Tammo t beleven kin. Tammo het n aarvenis van zien opa kregen: n kovver vol mit kraslötten. Der zit wel n veurwoarde aan: hai mout d’opbrengst van dij lötten...
n Grunneger laidtekst op Ich Liebe Wie Du Lügst van Ellen ten Damme. As je t strikt nemen, klopt dat nait, want dit nummer is van zochzulf gain origineel waark. t Is n Duutstoalege variaant op Love The Way You Lie van Eminem & Rihanna. Mor ik vin t verschil groot genog om d’uutvoeren van Ellen as uutgangspunt te zain. k Bin van dizze versie uutgoan, omreden dat k meer heb mit de...
Aiglieks is t nait mien gewoonte om rond n joarwizzeln weerom te kieken. k Beleef deurgoans gain dingen dij zo biezunder binnen, dat k doar aan t ende van t joar nog even bie stilstoan mout. Dat wil nait zeggen dat k n saai leven heb, zeker nait. Mor t leven kin ook mooi wezen zunder dat der haile spannende dingen gebeuren. Wat zeker vermeldensweerd is, is mien biedroage aan de Grunneger meziek,...
n Grunneger laidtekst op Is Dit Nu Later? van Stef Bos. Wie hebben t in ons kindertied aalmoal voak genog heurd: ‘loater, ast groot bist.’ Net of je den wel waiten zellen hou t leven in mekoar zit. Mor ook as je groot binnen vaalt dat nait altied tou. In Stef zien tekst wait de verteller noa aal dij tied nog nait wèl hai is. t Nummer is òfkomsteg van Stef Bos zien...
In noavolgen van d’Olympische Zummerspeulen goan vandoage de Paralympische Speulen in Peries van start. t Evenemìnt is bedould veur sporters mit o.m. n liggoamelke bepaarken, visuele bepaarken of hazzenverlammen. In 1960 wuiren d’eerste Paralympische Speulen holden in Rome, woar dat joar ook d’Olympische Zummerspeulen waren. De Paralympische Speulen binnen in t zulfde joar as d’Olympische Speulen, deurgoans in de moand dij noa d’Olympische Speulen volgt. Sunt de Zomerspeulen van 1988 in Seoul worden...
t Leven bestaait uut meer as bloots gehandicapt wezen. Mien bepaarkens definiëren nait wèl ik bin en heuren nait allesbepoalend te wezen veur hou k leef. t Fokuswonen moakt dat meugelk. Zo as k in eerdere blogs al beschreven heb, het n cliënt van Fokus aigen regie over t leven. n Belangriek aspekt doarbie is, veur mie, dat je nait onvrijwilleg mit gehandicapten omgoan huiven. k Wait al van t bestoan van Fokus...
Alhouwel k al joaren mit Grunnegs schrieven aan d’loop bin, heb k nog nooit waark òfleverd wat bie n wat groter pebliek bekend is. Want, eerlek genog: deur òf en tou wat in Kreuze te publiceren, wor je nog gain haile bekende Grunneger schriever. En mien blogs trekken tot zowied ook gain dikke riegen lezers aan. Nou bin k ook nait recht ambitieus, wat dat aangaait. k Vuil mie den wel slim vereerd...
