Bert zien Grunneger blogs over persoonleke belevenizzen, ervoarens, mainens en aargernizzen.
Aiglieks is t nait mien gewoonte om rond n joarwizzeln weerom te kieken. k Beleef deurgoans gain dingen dij zo biezunder binnen, dat k doar aan t ende van t joar nog even bie stilstoan mout. Dat wil nait zeggen dat k n saai leven heb, zeker nait. Mor t leven kin ook mooi wezen zunder dat der haile spannende dingen gebeuren. Wat zeker vermeldensweerd is, is mien biedroage aan de Grunneger meziek,...
t Leven bestaait uut meer as bloots gehandicapt wezen. Mien bepaarkens definiëren nait wèl ik bin en heuren nait allesbepoalend te wezen veur hou k leef. t Fokuswonen moakt dat meugelk. Zo as k in eerdere blogs al beschreven heb, het n cliënt van Fokus aigen regie over t leven. n Belangriek aspekt doarbie is, veur mie, dat je nait onvrijwilleg mit gehandicapten omgoan huiven. k Wait al van t bestoan van Fokus...
k Goa nait geern de binnenstad in. Mit mien rolstoule is t sikkom gain doun om over de stroatstainen te hobbeln. Parkeren is op zochzulf wel te doun, al is t smangs even zuiken noar n goud stee. Doarbie is t lastegste dat je mit n bus van 2,20 hoog in gain enkele parkeergarage kinnen. k Kom der aiglieks allenneg as doar n noodzoak veur is, mor mainsttied nait veur d’oardeghaid. Der was...
Wat k as schriever wel geern pebaaiern mag, is laidteksten schrieven. k Vin t mooi dat n artiest mor n poar menuten het om t verhoal te vertellen en d’aandacht van t pebliek vast te holden. Most zingen of schrieven wast te zeggen hest. Der zit meer direkthaid in as in gedichten en dat mout Grunnegers toch aanspreken. Zol t doarom wezen dat meziek in d’aigen streektoal t bie ons zo goud dut?...
Mien redakteurschop veur Kreuze mag nou den doan waark wezen, k blief aan d’loop mit Grunneger schrieverij. Doar heb k nog nait recht plannen veur, mor k mout wel kieken of der veur miezulf meer in zit. Wieder wil k mie op d’ain of d’aander menaaier veur de Grunneger toal en schrieverij inzetten blieven. Nait meer as tekstredakteur, noa 11½ joar is dat wel kloar, mor in principe bin k beschikboar om n...
Net veur de kerstdoagen is Kreuze 100 verschenen. Dat is de leste van Henk en mie as redakteurs. Of t ook haldaal de leste is? Op verschaaiden oproupen van ons veur nije redaksieleden binnen nog gain konkrete reaksies binnenkommen en k verwacht der ook niks meer van. As der gain belangstèllen is om ons waark veurt te zetten, zel noa zeuventien joar n ende kommen aan ons digitoale tiedschrift. k Heb om en...
n Mìns wil wel es wat aans: n aander stee, de boudel vernijs inrichten, mit nije dingen begunnen, n vrizze kiek op de boudel kriegen. Ik was der wel n moal aan tou om dizze webstee te vernijen. Noar mien idee kon dat nait meer bie mien hosting provider van de leste joaren, dus bin k mit de webstee vervoaren goan. n Joar of wat heb k mien webstee bie JouwWeb had. Doar...
Vanmörgen om en bie 6 uur zel t Het Nog Nooit Zo Donker West van Ede Staal te heuren west wezen op NPO Radio 2. Hai is noamelk nij binnenkommen op nummer 476 in de Top 2000. Doarmit hebben n bult Grunnegers endelk heur zin kregen. In 2007 is der al es n aksie west om te pebaaiern hom in dizze lieste te kriegen. Mit te groot sukses, Ede draaigde hoog in de...
Der binnen in Grunnen nog echt wel jongern dij Grunnegs leren willen. Ook as heur achtergrond nait ains zo Grunnegs is … Ook mit mien liggoamelke bepaarkens kin k zulfstandeg wonen en zoveul meugelk mien aigen leven laaiden. Dat wordt meugelk moakt deur Fokus. Dij zitten op loopòfstand bie mie in t flatgebaauw en der binnen 24 uur per dag lu aanwezeg dij op òfroup assistentie geven kinnen. De jongste dij bie Fokus...
‘Dat is toch gain Grunnegs?’k Luit aine n nummer heuren van Marlene Bakker heur cd RAIF. Bie de regels ‘schoef t vot / totdat dien handen pien doun’ trok mien mitluusteroar n bedenkelke blik. Dij vertelde mie al wat kommen ging: n diskussie woar k gain zin aan heb, over vermainde fouten van aandern.‘Dat mot zeer doun wezen en gain pien doun.’Ik ging der eerst mor nait op in, luit de woarhaid nog...
