Aan t straand van Griekenlaand
d’Algoritmes van YouTube binnen ondeurgrondelk. k Leuf nait dat mien zuikgeschiedenis der n goie aanlaaiden veur geven het, mor lestdoags kreeg k n bericht onder d’ogen uut de Duutse Tagesschau van 3 juli 2019, dat schlagerzanger Costa Cordalis n dag eerder uut tied kommen was. d’Artiest van Griekse òfkomst was 75 joar worden.
t Mìnselk verstaand is net zo ondeurgrondelk. Schlagers binnen nou nait n genre woar k noar luuster. t Is nait zo dat k de radio uutdou as t veurbie komt (der is wel aander meziek woar dat veur geldt), mor k zel t nooit uut miezulf opzetten. Noadat k t huus uutgoan bin, heb k den ook veul minder heurd van de meziek woar mien ollu noar luustern. k Docht dat k ondertied ook wel veul dervan vergeten was. Mor simpelweg t bericht ‘Costa Cordalis gestorben’ was genog om n nummer in mien herinnern te roupen, woarvan k meer as d’haalve tekst zó oplepeln kon. En den was Am Strand Von Griechenland nait ains n grode hit of ain van zien bekendste nummers …
t Bliekt traauwens gain originele schlager te wezen, mor n Duutse tekst op n Engels nummer, dat zeker nait beter is.
t Mag den nait zo mien genre wezen, as t aankomt op vertoalen/tekstschrieven vuil k mie nait te goud om der wat mit te doun. k Haar al vrij gaauw wat Grunneger regels opschreven woar k mit wieder kon. Om de tekst rond te kriegen, heb k ChatGPT zuiken loaten noar Griekse woorden dij vreugde, plezaaier of geluk uutdrukken. t Dichtste bie kwam χαρά, wat inderdoad vreugde of plezaaier betaiken zol. t Zol om en bie uutsproken worden as cha’ra.
Aan t Straand Van Griekenlaand
Aan t straand van Griekenlaand
Verlaifd en haand in haand
Aan t straand van Griekenlaand
Smokken in t waarme zaand
n Zummer bloots mit die
Verlaifd en broenverbraand
n Vekaanzie vol van dreumen
Zunne, zummer, zee en wind
De paalms dij zachies wuiven
En de vraauw de mie bemint
Doe ligst aan t straand te zunnen
Bist schier en laagst mie tou
Oh-oh-oh, χαρά*
Woh-oh, χαρά
Ah-ah-ah-ah
Aan t straand van Griekenlaand
Verlaifd en haand in haand
Aan t straand van Griekenlaand
Smokken in t waarme zaand
n Zummer bloots mit die
Verlaifd en broenverbraand
Oh-oh
Aan t straand van Griekenlaand
Verlaifd en haand in haand
Aan t straand van Griekenlaand
Smokken in t waarme zaand
n Zummer bloots mit die
Verlaifd en broenverbnaand
As de golden gele zunne
In de zee liekt te verdwienen
En de purperrooie hemel
Loat t nachtelk blaauw verschienen
Den ligstoe in mien aarms
In t waarme widde zaand
Oh-oh-oh, χαρά
Woh-oh, χαρά
Ah-ah-ah-ah
Aan t straand van Griekenlaand
Verlaifd en haand in haand
Aan t straand van Griekenlaand
Smokken in t waarme zaand
n Zummer bloots mit die
Verlaifd en broenverbraand
Oh-oh
Aan t straand van Griekenlaand
Verlaifd en haand in haand
Aan t straand van Griekenlaand
Smokken in t waarme zaand
n Zummer bloots mit die
Verlaifd en broenverbraand
Noar: Am Strand Von Griechenland, Costa Cordalis
Duutse tekst: Jacky Dreksler
Origineel: Atmosphere, Russ Abbott
Producer: Ben Findon
Schrievers: Ben Findon, Charles Emeka Tucker, Steve Rodway
