Pergram in t plat

k Wol joen stemgedrag veur de twijde koamerverkaizens nait beïnvlouden, doarom verschient dizze blog pas noatied. k Heb nait op dizze pertij stemd, mor der is wel ain punt woarop k mien woarderen veur de BoerBurgerBeweging uutspreken wil. Dizze pertij, dij de stem van en veur t pladdelaand wezen wil, het heur pertijpergram in meerdere streektoalen vertoalen loaten. Doar is gain haalf waark van moakt, tenminzent wat t Grunnegs aangaait. Over d’aander streektoalen...