Blog

15 juni 2023

Maria Teresa de Filippis, eerste vraauw in de F1

Spa-Francorchamps, 15 juni 1958. Op n bruiege zundagmiddag in d’Ardennen gaait de Grand Prix van België van start. Vanòf poleposition vertrekt de Brit Mike Hawthorn in zien Ferrari. Noast hom op de veurste startriege stoan zien Italioanse teamgenoot Luigi Musso en de Brit Stirling Moss veur t team van Vanwall. De mainst opvalende dailnemer start as negentiende en leste: Maria Teresa de Filippis, d’eerste vraauw dij aan n Formule 1-race mitdut. Maria Teresa...

0

Geschiedenis / Lezerij

31 mei 2023

Verdaind voutstuk veur vraauwlu

Vroag Grunnegers om n vraauw uut ons pervinzie te nuimen dij n belangrieke rol in de geschiedenis speuld het, den is de kaans t grootst dat de noam Aletta Jacobs vaalt. Op zochzulf nait verwonderlek, zai was d’eerste vraauw in Nederland dij stedaaierde aan d’universiteit, d’eerste vraauwelke arts en n veurvechtster van t vraauwenkaisrecht. Dat o.m. verschaaiden stroaten, plaainen en de middelboare schoule op t Hoogezaand noar heur vernuimd binnen, dut ook veul...

0

Geschiedenis / Raaizen en Toerisme

17 mei 2023

Dubai: van vissersdörp tot metropool

In 1833, noa n stoatsgreep woarbie sjeik Tahnun òfzet wuir as heerser van Abu Dhabi, trok Maktoum bin Butti mit 800 leden van zien Al Bu Falasah-volk (n dail van de Bani Yas) noar t noorden, om zoch aan de kust te vestegen in de nederzetten Dubai. t Vissersdörp wuir onòfhankelk verkloard van Abu Dhabi en Maktoum wuir d’eerste heerser van t nije Emiraat, soam mit Obeid bin Said bin Rashid. In 1836...

0

Laidteksten / Meziek / Persoonlek / Toal

29 maart 2023

Laidteksten schrieven

Wat k as schriever wel geern pebaaiern mag, is laidteksten schrieven. k Vin t mooi dat n artiest mor n poar menuten het om t verhoal te vertellen en d’aandacht van t pebliek vast te holden. Most zingen of schrieven wast te zeggen hest. Der zit meer direkthaid in as in gedichten en dat mout Grunnegers toch aanspreken. Zol t doarom wezen dat meziek in d’aigen streektoal t bie ons zo goud dut?...

0

Persoonlek / Toal

22 februari 2023

Nou Kreuze doan waark is

Mien redakteurschop veur Kreuze mag nou den doan waark wezen, k blief aan d’loop mit Grunneger schrieverij. Doar heb k nog nait recht plannen veur, mor k mout wel kieken of der veur miezulf meer in zit. Wieder wil k mie op d’ain of d’aander menaaier veur de Grunneger toal en schrieverij inzetten blieven. Nait meer as tekstredakteur, noa 11½ joar is dat wel kloar, mor in principe bin k beschikboar om n...

0

Laidteksten / Meziek

15 februari 2023

Aan t straand van Griekenlaand

d’Algoritmes van YouTube binnen ondeurgrondelk. k Leuf nait dat mien zuikgeschiedenis der n goie aanlaaiden veur geven het, mor lestdoags kreeg k n bericht onder d’ogen uut de Duutse Tagesschau van 3 juli 2019, dat schlagerzanger Costa Cordalis n dag eerder uut tied kommen was. d’Artiest van Griekse òfkomst was 75 joar worden. t Mìnselk verstaand is net zo ondeurgrondelk. Schlagers binnen nou nait n genre woar k noar luuster. t Is nait...

0

Lezerij / Persoonlek / Toal

31 januari 2023

Bie mien leste Kreuze

Net veur de kerstdoagen is Kreuze 100 verschenen. Dat is de leste van Henk en mie as redakteurs. Of t ook haldaal de leste is? Op verschaaiden oproupen van ons veur nije redaksieleden binnen nog gain konkrete reaksies binnenkommen en k verwacht der ook niks meer van. As der gain belangstèllen is om ons waark veurt te zetten, zel noa zeuventien joar n ende kommen aan ons digitoale tiedschrift. k Heb om en...

0

Auto / Meziek / Mìnsen

19 januari 2023

De Porsche van Janis

Vandoage zol Janis Joplin 80 joar worden wezen. De legendoarische rock- en blueszangeres kwam uut tied toun ze nog mor 27 was. Op zundagoavend 4 oktober 1970 wuir ze levenloos vonden in heur koamer in t Landmark Motor Hotel in Hollywood, woar ze al n poar moanden logeerde. n Overdosis heroïne zol heur fatoal worden wezen. Drij doage eerder was ze veur t lest in de studio west, om opnoames te doun veur...

Kunst en Kultuur / Meziek / Toal

23 november 2022

Leve GRN!

Om en bie n joar leden schreef k dat t toun nije Grunneger festival GRN van mie wel n vast onderdail van t kulturele seizoen worden mog. En den noast de Dag van de Grunneger toal, dij t högtepunt van de Meertmoand Streektoalmoand was. Mor in Toal & Taiken ston te lezen dat GRN d’opvolger is van de DvdGt. Oftewel: de Dag van de Grunneger toal is dood, leve GRN! Lesten zotterdag was...

Lezerij / Meziek

26 oktober 2022

Vissering en vogeltjes

De laifhebber van Grunneger meziek wait vervast dat zanger en laidjesmoaker Alex Vissering ook n fervent hobby-vogeloar is. Dizze baaide laifhebberijen kommen bie nander in n dubbel kunstprejekt, dat bestaait uut de cd Vogeltjeman en t bouk Vogelwies. Vissering en illustratrice Ellen Tierie waren al joaren van plan n bouk te moaken en kregen tiedens de coronapandemie endelk n goie aanlaaiden om der waark van te moaken. In 2020 gaf Vissering zulf n...

Bert Wijnholds