Toezeboudel

Toezeboudel is t oldste streektoalpergram van Grunnen, t is al sunt 1988 wekelks te heuren op Radio Komnij. Elke zundagmörgen tussen 10.00 en 11.00 uur is der n live uutzenden mit meziek, vertelsters en proaterij. Steevast kommen gasten uut de Grunneger toal bie Gerard Lunshof in d’uutzenden, om te proaten, te zingen of veur te lezen oet aigen waark. Aankom zundag is der n interview mit mie te heuren.

Gerard wol mie ook geern n moal in zien pergram hebben. Hai haar op de Dag van de Grunneger toal mit mie proaten wild, mor schaande genog hevve nander doar nait trovven. Doarom is e bie mie thuus kommen veur n interview.

Hai het mie vroagen steld over mien bepaarken (woar k aiglieks nait te veul over zeggen wol, omreden dat dat der nait tou dut), over Kreuze en over mien aigen webstee. In d’uutzenden van aankom 12 april is t te heuren. Dat is den veur t eerst dat k op radio te heuren bin, ik benijd hou dat over komt.

Toezeboudel wordt op t heden ook uutzonden bie:
Havenstad FM, zotterdag 09.00-10.00 uur, http://www.havenstad.fm/
Omroep Menterwolde, woensdag 10.00-11.00 uur, http://www.omroep-menterwolde.nl/
Radio Parkstad, zotterdag 12.00-13.00 uur, http://www.rtv-parkstad.nl/
En vanzulf op Radio Compagnie, zundag live 10.00-11.00 uur, http://www.radiocompagnie.nl/

Toezeboudel het ook n aigen webstee: http://www.toezeboudel.info/