Wikipedie

As je veul op t internet strunen, kom je vervast wel es n moal te lande op n bladziede van Wikipedia. In dizze vrije encyclopedie is n grode verschaaidenhaid aan onderwaarpen te vinden. Elkenaine kin in Wikipedia schrieven, dus wat der nog nait instaait kin je zulf biedroagen, deur bestoande wiki’s aan te vullen of nije wiki’s te schrieven.

Der binnen Wikipedia’s in sikkom 300 toalen, woaronder ook t Nedersaksisch, den hait t Wikipedie. In elke vörm van Nedersaksisch binnen bladzieden te vinden: Grunnegs, Drìnts, Stellenwaarfs, Sallands, Urkers, Twìnts, Achterhouks, Oost- en West-Veluws. De Nedersaksen aan aander kaande van de grup hebben heur aigen Wikipedia op Plattdüütsch.

Wikipedie is nooit kompleet of vol, der blift altied verlet van schrievers en onderwaarpen. As je n moal gain inspiroatse hebben veur verhoalen en gedichten in joen aigen streektoal, kin je der dus ook n wiki in schrieven.

Ik schrief ook wel es in de Grunneger Wikipedie, dit binnen mien biedroagen tot zowied:
Bertha Benz
Bosklopper Gala
Fats Domino
Golf van Tonkin
Grunneger Schrieverspries
Grunny
K. ter Laanpries
Kreuze
Nissan Leaf
Stadjer
T-Ford
Vogelnoamen Nederlands-Grunnegs
Westerdaipsterdale

Totoal aantal nije wiki’s: 13

Tot zowied heb k ain al bestoande wiki bewaarkt:
Erwin de Vries

Totoal aantal bewaarkte wiki’s: 1