d’Hemel Is Der Veur d’Engeln
Noa n prachteg muzikoal eerbetoon aan Henk Scholte, veurege moand in Geert Teis, wil ik geern nog n deuntje veur Henk biedroagen. Dij oavend op Knoal was t Oost-Vraize Otto Groote Ensemble derbie. Henk zien goie vrund Otto vertelde, dat hai zunder Henk as aanjoager, meugelk nooit n professioneel muzikant worden was. t Ensemble brocht ain van Henk zien favoriete nummers te heuren: Heven Is För De Engels.
Over dit nummer schreef Otto Groote in t tekstboukje bie zien album De Anner Steerns An D’ Heven: ‘k Was derbie toun t nummer veur d’eerste moal bie n concert speuld wuir. t Was mie geliek dudelk, dat k dit laid zingen wol. t Is n lofzang op mien volk. Mien grootvoader, mien voader en zien bruiers hebben as aarbaider in t veen waarkt, en ook ik heb mien eerste geld in t veen verdaind. Wat ik dee, het niks te moaken mit wat Werner* in dit laid beschrift. Mor k kin mie wel hail goud inleven in d’inhold van zien laid. n Eersteklas folksong!’
(*Werners Wilms, schriever/componist)
Hieronder mien Grunneger tekst op Heven Is För De Engels.
d’Hemel Is Der Veur d’Engeln
Ze wazzen veenwaarkers, diekers en schippers
Leefden boeten in t moor
Haren niks as de gört in heur pot
Veur t leven te min
Veur t staarven te goud
En t laand tegen zoch
Wèl as kind nog nait doodbleven was
Kreeg de koorze te pakken
Onderdrukt deur de boeren op de ploats
Was vrijhaid mor n woord
Laiver dood den as sloaf
t Beston veur veenwaarkers nait
d’Hemel is der veur d’engeln
Mor doar ligt nog n hail leven veur
d’Eerste zien dood
d’Aander zien nood
De daarde zien brood
Komst vandoage in t veen
Vinst der hail niks meer van
Bloots de wind in t koren kin vertellen
Van de dood en de nood
Van t hopen op dat
Wat t leven nog brengt
d’Hemel is der veur d’engeln
Mor doar ligt nog n hail leven veur
d’Eerste zien dood
d’Aander zien nood
De daarde zien brood
Ze wazzen veenwaarkers, diekers en schippers
Leefden boeten in t moor
Haren niks as de gört in heur pot
Veur t leven te min
Veur t staarven te goud
En t laand tegen zoch
d’Hemel is der veur d’engeln
Mor doar ligt nog n hail leven veur
d’Eerste zien dood
d’Aander zien nood
De daarde zien brood
d’Hemel is der veur d’engeln
Mor doar ligt nog n hail leven veur
d’Eerste zien dood
d’Aander zien nood
De daarde zien brood
d’Eerste zien dood
d’Aander zien nood
De daarde zien brood
Noar: Heven Is För De Engels
Originele tekst/meziek: Werner Wilms
