Auteur: Bert

Popkonsert in Lederhose

Is t herkenboar dat je infekteerd binnen deur de mezieksmoak van joen ollu, deurdat je as kind ‘gedwongen’ mitluusterd hebben? Mien ollu kieken veul noar amusementspergrammen op de Duutse tv, zo as t vrougere Musikantenstadl van d’Oostenriekse peblieke omroup ORF, dat ook op de ARD te zain was. De Duutstoalege volksmeziek, schlagers en bloasmeziek kommen nog wel voak in mien herinnerns noar boven, mor of k doar altied bliede mit bin? Gelukkeg is...

Wat Aans! geft goie hoop

De manlu van Wat Aans! leken van dij nijmoodse artiesten dij heur meziek bloots via digitoale weg bie de luusteroar brochten. Hail in t begun was der t album Aans Wat!, dij allenneg mor van heur webstee download worden kon. In de volgende tien joar verschenen heur nije singles as videoclips op YouTube en loater wuiren ook dainsten as Spotify bruukt. Nou hebben ze mit Grunnegs Hoop toch n fysiek album uutbrocht, mor...

Grunneger wereldkeuken

Van vrouger heer was de Grunneger keuken aine van soberhaid en ainvoud. Gerechten waren veuraal voudzoam, dat was belangrieker as dat t lekker smuik. De mainste eterij was vet en zuit. Bekende gerechten as povvert, stopvaarve en zoepenbrij waren bedould om de moage vol te kriegen en joe n laange waarkdag deur van energie te veurzain. t Was eerliekse boeren- en aarbaiderskost. Mor nijmoodse Grunnegers kaizen aal meer veur lekker eten. Dat doun...

De Groot het niks te kloagen

De wolf is gewoonlek n groepsdaaier, mor gaait ook wel es allenneg op oaventuur. Vleden joar het Jan Henk de Groot de Troebadoers-roedel verloaten om zien daarde solo-album De wolf is trug op te nemen. Veur de gelieknoamege theoatertoer is hai ook allenneg bie t pad. Op zien trektocht deur t Grunneger theoaterlandschop (en zulfs doarboeten) kwam hai op zotterdag 7 meert in mien stamtheoater vanBeresteyn in Veendam. t Was gain uutverkocht huus....

Gain resept veur streektoalhits

Toun Jan Schepers tien joar was, begunde zien laifhebberij veur meziek in streektoalen. Op de radio was Oerend hard van Normaal te heuren. n Dialekttekst op rockmeziek, dat was nog es wat aans as wat der toun in de hitliesten ston. De kombinoatsie sprak hom zo aan, dat hai zoch t 45-toerenploatje kochtde. Normaal scoorde hit noa hit en Schepers zien verzoameln singletjes gruide. Doarmit was n ‘anhanger’ geboren. Hai schreef joaren loater...

Ede in de Top 2000

Vanmörgen om en bie 6 uur zel t Het Nog Nooit Zo Donker West van Ede Staal te heuren west wezen op NPO Radio 2. Hai is noamelk nij binnenkommen op nummer 476 in de Top 2000. Doarmit hebben n bult Grunnegers endelk heur zin kregen. In 2007 is der al es n aksie west om te pebaaiern hom in dizze lieste te kriegen. Mit te groot sukses, Ede draaigde hoog in de...

Sound van Sodom

Alex Luttjeboer is al vatteg joar aan d’loop in de meziek. Dat was altied mit Engelstoaleg waark. Aan zingen in t Grunnegs haar e nog nooit docht. Tot twij joar leden, toun hai mit zien band Alex Julius & The Chaplains bie Radio Noord te gast was in Café Martini on n nije Engelstoalege single te promoten. Prezentoator Eric Bats doagde hom uut om es n nummer in t Grunnegs op te nemen....

Slim Körte Verhoaltjes

Slim Körte Verhoaltjes

Wie Grunnegers hebben de noam lu van waaineg woorden te wezen, mor dat bliekt nait altied uut t waark van ons schrievers. Gounent binnen te veul tekst neudeg om heur punt te moaken. Zo bruken ze voak onneudeg veul bievougelke noamwoorden, dij de gevuilens en gedachten van n personage verstaarken mouten, mor t verhoal juust verzwakken. Of ze schrieven zukse laange zinnen mit zo veul komma’s dat ze zulf de droad kwiet roaken....

0

W Series helpt vraauwen in de racerij

Aankom zotterdag gaait de W Series van start, n raceklasse woar bloots vraauwelke coureurs aan dailnemen. t Is veur t eerst in de geschiedenis van de racerij dat zo’n klasse bestaait. Onder t motto ‘Rethink racing’ wil d’organizoatsie de meugelkheden veur vraauwen vergroten om deur te dringen tot de hogere regionen van d’autosport. Vraauwen zollen op heur weg noar de top nog te voak tegen n gloazen plefon aan kommen, veurdat ze echt...

Tiende toalfeest

In 2010 is op veursproak van dichter/schriever Tonko Ufkes de Dag van t Grunneger bouk uutbraaid tot n groter evenemìnt, woar ons streektoal in aal zien vörms vierd en beleefd worden kin. Bie d’eerste moal was t al n sukses en doarnoa is t allenneg mor populairder worden. Lesten zotterdag beleefde de Dag van de Grunneger toal zien 10-joareg bestoan as högtepunt van de Meertmoand Streektoalmoand. Ook dizze moal was t weer n...