Blog

Ik mok gain vauten

As tekstredakteur mout je beroupsmoateg n gezonde allergie veur toalfouten hebben. In mien waark veur Kreuze heb k doar veul wille van. Mor ook as k gain schriefwaark noa te kieken en te verbetern heb, kin k de toalnazi in mie mor stoer bedwingen. Smangs kin k mie aargern onder t kovviedrinken. ‘Wilst mie kovvie moaken?’‘Kin dat in dizze beker?’‘Dou mor in n mok.’‘Dizzent?’‘Dij nait! Dij mag k nait lieden.’‘t Is toch mor...

Stinkerij

n Adl-assistente van Fokus zee n moal dat der smangs zo’n apaarde roek bie mien veurdeure hong. k Haar t inderdoad ook wel es roken, mor kon nait thuusbrengen wat t was. Zo’n schaarbe neuze heb ik nait, wie hebben t mor holden op stinkerij van de Domino’s Pizza woar k liek boven woon. Gek genog rook ik niks op t balkon. Lestdoags wuir bie mie aanbeld. Ik lag nog op bèrre, mor...

Kwaliteit uut Zweden (2)

t Zweedse initiatief van t fokuswonen kreeg in 1974 noavolgen in Nederland, toun de Stichting Fokus opricht wuir deur Evert van der Horst en lu mit n liggoamelke bepaarken. t Duurde nog n joar of wat veur d’eerste cliënten heur intrek in n fokuswonen nemen konden. In de begunjoaren streden ze veur tougankelkhaid van t openboar vervoer en luiten ze n repòrt opstellen over hou je privé- en peblieke ruumtes zo ontwaarpen konden...

Kwaliteit uut Zweden

t Konsept van t fokuswonen komt van oorsprong uut Zweden, woar t bedocht en ontwikkeld is deur perf. Sven Olof Brattgård, dij zulf in n rolstoule zat. n Aanlaaiden doarveur was n uutzenden van n aktualiteitenpergram op de Zweedse tv, dat zoch richtte op moatschoppelke themoa’s. In n item over t wonen van mìnsen mit n liggoamelke bepaarken, was te zain dat de tounmoalege woonfaciliteiten gain recht deden aan heur wìns om ook...

Duchenne spierdystrofie

De spierdystrofie van Duchenne is n aangeboren en aarvelke, progressieve aandounen dij de spieren verzwakt. Duchenne is de mainst veurkommende vörm van spierdystrofie. t Komt sikkom bloots bie jonges en mannen veur. Gemiddeld wordt 1 op de 3.300 jonges geboren mit duchenne. Duchenne wordt veroorzoakt deur n genetisch defekt op t X-chromosoom. t Defekte gen is recessief. n Vraauw kin doardeur droagster van de zaikte wezen, mor krigt dij in principe nait, omreden...

Toezeboudel

Toezeboudel is t oldste streektoalpergram van Grunnen, t is al sunt 1988 wekelks te heuren op Radio Komnij. Elke zundagmörgen tussen 10.00 en 11.00 uur is der n live uutzenden mit meziek, vertelsters en proaterij. Steevast kommen gasten uut de Grunneger toal bie Gerard Lunshof in d’uutzenden, om te proaten, te zingen of veur te lezen oet aigen waark. Aankom zundag is der n interview mit mie te heuren. Gerard wol mie ook...

Veenkelonioale vondst

t Nije album van Bert Hadders en de Nozems haar zoch al n haile zet aankondegd. As je voak noar De Centrale op Radio Noord luustern, ken je vervast zien verhoal over de biezundere vondst dij e dee op n rommelmaarkt: doar haar hai n ol bandrecorder kocht mit n puut vol geluudsbanden. Dizze banden kwammen uut de noaloatenschop van Gradus J. Bosklopper, n antropoloog dij in de joaren ’50 en ’60 van...

Is dat dien vraauw?

‘Ik kin gain vrundin kriegen, omdat ik gehandicapt bin,’ zee Johan tegen mie. Johan zat al n joar of wat in t verpleegtehuus en haar, net as ik, duchenne en beoademing. k Begreep wel dat hai inderdoad nooit aan de vraauw kwam, mor of dat nou bloots aan zien handicap lag? Dat e in n tehuus votstopt zat, ging hom nait helpen. En ik zag bie hom wel aander bepaarkens … Op de...

Pìnsörgels en fioulen

k Las op n webstee mit nijskes over d’wieke woar k woon, t digitoale bokkeblad zeg mor, dat der gain ‘muzikanten’ meer zitten te speulen bie d’ingaang van t winkelsentrum. Dat was veur mie gain nijs, k woon der sikkom boven en k haar al n zetje niks meer heurd. t Is nait veur niks dat ik ‘muzikanten’ tussen aanhoalenstaikens schrief, de mainsten maggen zoch nait zo nuimen. Zo zat der n moal...

Hier Komt De Zun

n Grunneger laidtekst op Here Comes The Sun van The Beatles. t Is George Harrison (1943-2001) zien twijde nummer veur de lp Abbey Road. Hai schreef t in de tune van Eric Clapton zien huus. Doar was hai noartou goan om even te ontkommen aan spannens binnen de band, perblemen mit ploatenlabel Apple en verschaaiden zoakelke en juridische kwesties. George vuilde n grode opluchten toun e mit n akoestische gitoar van Clapton deur...