Blog

Kreuze zöcht nije redakteurs

In t jongste nummer van Kreuze staait n belangriek bericht van ons as redaksie. In onderling overleg hebben ik en mien co-redakteur Henk besloten om noa t verschienen van Kreuze 100 ons waark dele te leggen. Dat huift nait betaiken dat Kreuze opholdt te bestoan. Wie pebaaiern laifhebbers te vinden dij der wat veur vuilen om dermit wieder te goan. Vandoar datve n oproup doun veur nije redakteurs. t Digitoale Grunneger tiedschrift Kreuze...

Debuut van n oldgedainde?

Mit n loopboan van al zesteg joar is Fries Wolma n oldgedainde in de Grunneger meziekwereld, mor mit zingen in t Grunnegs is e pas n joar of twaalven leden begund. As ‘bragelrocker’ in de band Zuver Scheerwol (mit Sijtse Scheeringa) en loater ook as solo-artiest haar e al n riege singles op zien noam. Nou is der endelk ook n volledeg album mit Grunneger waark van hom uut: de cd Kinder Van...

Wolma is nog laank nait kloar

Fries Wolma (1948) zit van t joar al zesteg joar in de meziek. Hai begunde al op 14-joarege leeftied, as sologitarist in de Stad-Grunneger beatband The Javelins. Noadat dij in 1968 uut nander goan binnen, het Wolma in verschaaiden aander bands en duo’s zaten as zanger en/of gitarist. Wieder is hai aktief as tekstschriever, komponist en producer en het e zien aigen ploatenlabel. Toch was hai t langste aan d’loop mit The Javelins,...

Elk het zien verhoal

In de meertmoand is Fieke Gosselaar heur viefde bouk verschenen. t Is heur twijde volledege roman: Als je ze kent. Net as zien veurganger is dij schreven in t Nederlands. Woar Het land houdt van stilte onverminderd Grunnegs was, o.m. deurdat t Grunneger laandschop n rol in t verhoal speult, zol Als je ze kent zoch in elke Nederlandse stad òfspeulen kinnen. Noa t uutroaken van heur reloatsie en t verlaizen van heur...

Erwin de Vries krigt de K. ter Laanpries

Zanger-laidschriever Erwin de Vries is uutroupen tot winnoar van de K. ter Laanpries 2021. Doarmit mag e endelk aansloeten in n lange riege winnoars van de mainst prestigieuze pries in de Grunneger toal- en kultuurwereld. Wel wat loat veur aine dij al datteg joar aan d’loop is in de Grunneger meziek. Erwin zegt zoch hail aarg vereerd te vuilen en dat t n soort bekronen is van zien waark. ‘t Is veur mie...

F1-legende Frank Williams uut tied kommen

Lesten zundag 28 november is de legendoarische veurmoaleg Formule 1-teamboas Frank Williams op 79-joarege leeftied uut tied kommen. Dat het t team noamens zien femilie bekendmoakt. Noadat Sir Frank lesten vrijdag in t zaikenhuus opnomen is, is hai doar omringd deur de femilie overleden. Sir Francis Owen Garbatt Williams, CBE wuir op 16 april 1942 geboren in South Shields in t groafschop Tyne and Wear in t noorden van Engeland. Noa de schaaiden...

0

Nij feest veur toal en kultuur

In meert 2020 en 2021 kon de Dag van de Grunneger toal nait deurgoan, t zel dudelk wezen wat doar de reden van is. Ondanks dat d’ontwikkelns de verkeerde kaande opgoan, was t toch meugelk weer n feest te holden om de Grunneger toal en kultuur te vieren: lesten zotterdag was t nije festival GRN in theoater t Kielzog op t Hoogezaand. Deur t haile gebaauw waren dingen te zain en te doun...

Grunneger legendes goan weer lös

Pé Daalemmer & Rooie Rinus, doar kom je nooit van òf, schreef k bie heur dattegjoareg jubeleum. En gelukkeg nait. Dat is alweer elf joar leden. Vleden joar was t dus heur vattegste. Doar konden ze toun nait recht wat mit doun (iets mit n virus, ofzo), mor t mos toch n moal vierd worden. Mor we kinnen weer lös, en ons markante duo dus ook. De toer dij ze langs verschaaiden theoaters...

Josien het de toukomst

As in Twij deuntjes veur ain cent jeugdege artiesten te heuren binnen, worden dij deur Henk Scholte steevast ‘t pootgoud van de Grunneger meziek’ nuimd. De nije aanwas bestaait de leste joaren mainst uut artiesten dij al (veul) langer aan d’loop waren in de meziek, mor pas loater t Grunnegs as zingtoal omaarmd hebben. Jonge artiesten dij al vanòf t begun in heur aigen toal zingen, binnen mor betuun. De 17-joarege Josien Bakker...

Grunnegs schrieven? Nait overdrieven!

Hebben joe wel es wat op bozzem zet? Of n zwilkje op toavel legd? As je Grunnegs proaten, heb je dat meschain wel es doan. As je n verhoal in t Grunnegs schrieven, zol je dat den op pepier zetten, ook as t wieder niks mit t verhoal neudeg het? Der binnen Grunneger schrievers dij mainen dat ze zoch pas n echte streektoalschriever nuimen kinnen as heur teksten stampvol zitten mit typisch Grunneger...